Bakı Şəhəri üzrə Təhsil İdarəsindən verilən məlumata görə, 29 nömrəli tam orta məktəbin 11-ci sinif şagirdi tapılıb.
Verilən məlumata görə, o, yanvarın 15-16-da dərs prosesində iştirak etməyib.
“Sinif rəhbəri məktəblinin himayəsində yaşadığı yaxın qohumu ilə əlaqə saxladıqda şagirdin səhər evdən çıxdığı və sonradan evə qayıtmadığı məlum olub. Uşağın qohumu tərəfindən hüquq-mühafizə orqanlarına müraciət olunub.
Məktəb rəhbərliyi tərəfindən digər şagirdin köməyi ilə İnstagram hesabı vasitəsilə şagirdlə əlaqə saxlanılıb, yeri müəyyən edildikdən sonra hüquq-mühafizə orqanlarına da məlumat verilib.
Şagirdlə məktəb rəhbərliyi və psixoloq tərəfindən müvafiq söhbət aparılıb, hazırda məktəbdədir, Böyük Summativ Qiymətləndirmədə iştirak edir”, – açıqlamada deyilir.
10:30 - Xətaidə məktəbə gedən 17 yaşlı oğlan itkin düşüb
Hadisə ilə bağlı qohumu polisə müraciət edib
Bakının Xətai rayonunda 17 yaşlı oğlan itkin düşüb. Bu haqda bu gün, 18 yanvar tarixində Bakuplus.az Report-a istinadən məlumat verir.
Xətai Rayon Polis İdarəsinin 34-cü Polis Şöbəsinə müraciət edən Nahid Cəfərovun sözlərinə görə, qohumu, 17 yaşlı Amil Məmmədov yanvarın 15-də 29 saylı orta məktəbə gedərkən itkin düşüb.
Faktla bağlı araşdırma aparılır.
