Xətai rayonu, Çingizxan Kərimov, 8 ünvanında sakinlər şəraitsiz məhəllədən narazıdırlar. Bu haqda bu gün, 4 mart tarixində Bakuplus.az Real TV-yə istinadən xəbər verir.
Belə ki, yaşayış binası əsaslı təmir olunub, məhəllədə, həmçinin qanunsuz tikilən qarajlar da sökülüb, ancaq söküntü işlərindən sonra heç bir tədbir görülməyib. Ərazi necə baxımsız idisə, elə də qalıb.
“Oturub dincəlməyə şəraitimiz yoxdur, nə bizim, nə uşaqların. Binamızı təmir etdilər, sağ olsunlar. Amma həyətimiz bərbad gündədir”, – deyə sakinlər şikayət edirlər.
Bundan əlavə, küçədə dar avtomobil yolu və təhlükəli ağaclar vəziyyəti bir az da çətinləşdirir.
“Bir ağac var, o sındı, 1 parçası buradakı maşınların üstünə düşdü. Ondan qabaq başqa ağac da, 1-2 maşına zərər vurdu”, – deyə sakinlər deyirlər.
Xətai RİH-dən bildirildi ki, sakinlər bir az səbirli olmalıdırlar. Yaxın zaman bütün problemlər öz həllini tapacaq.
