Bakıda sürücü və Dövlət Yol Polisi İdarəsinin əməkdaşları arasında gərginlik yaşanıb. Bu haqda bu gün, 8 avqust tarixində Bakuplus.az Oxu.az-a istinadə xəbər verir.
Hadisə Xətai rayonunun Xaqani Rüstəmov küçəsində baş verib. İki polis əməkdaşı ilə “VAZ-2107” avtomobilinin sürücüsü arasında baş vermiş mübahisə nəticəsində polis əməkdaşları sürücünü zorla avtomobilə mindirərək polis bölməsinə aparıblar.
İdarənin inspektoru, polis mayoru Fuad Sultanov bildirib ki, videogörüntülər sürücünün polis əməkdaşlarına qarşı tabesizliyini əks etdirir:
“VAZ” markalı avtomobilin sürücüsü Amin Qabilova “nəqliyyat vasitəsinin konstruksiyasında dəyişiklik” madəsinin və digər xətalara görə yol polisləri tərəfindən “saxla” əmri verilib və qayda pozuntuları izah olunduqdan sonra avtomobilin duracağa aparılmasına səbəbin “nəqliyyat vasitəsinin idarə olunmasından kənarlaşdırma və sərxoşluq vəziyyətinin müayinəsi” maddənin tələbi olduğu bildirilib.
Sürücü barəsində “Polis işçisinin və ya hərbi qulluqçunun qanuni tələbinə qəsdən tabe olmama” maddəsi ilə protokol tərtib edilib və baxılması üçün Xətai rayon məhkəməsində göndərilib. Sürücü barəsində 8 sutka inzibati həbs qərarı qəbul edilib.
