Bakıda stilisti qətlə yetirməkdə təqsirləndirilən şəxsin məhkəməsi başlayır. Bu haqda 5 iyul tarixində Report məlumat verib.
Xətai rayonunda bu ilin mart ayında 23 yaşlı P. Həsənov 34 yaşlı Orxan Seyidovla şəxsi münasibətlər zəminində dava edib. Aralarında yaranmış münaqişə zamanı Seyidov çoxsaylı bıçaq xəsarətləri alaraq hadisə yerində dünyasını dəyişib.
P. Həsənova qarşı Cinayət Məcəlləsinin “Qəsdən adam öldürmə, xüsusi amansızlıqla və ya ümumi təhlükəli üsulla adam öldürmə” maddəsi ilə ittiham irəli sürülüb. Ötən gün cinayət işi üzrə ibtidai istintaq başa çatıb və baxılması üçün Bakı Ağır Cinayətlər Məhkəməsinə göndərilib.
Məhkəmənin hazırlıq iclasının vaxtı hələlik məlum deyil.
