Xətai rayonunda yerləşən yaşayış binasında yanğın baş verib. Bu haqda bu gün, 22 dekabr tarixində Bakuplus.az Fövqəladə Hallar Nazirliyinə istinadən xəbər verir.
Alışma sahəsi 20 kv.m olan məişət tullantılarında başlayıb. Daha sonra alov yaxınlıqda yerləşən dəmir qarajlara keçib. Nəticədə ümumi sahəsi 35 kv.m olan bir-birinə bitişik 2 qaraja ziyan dəyib. İçəridə yerləşən ev əşyaları yanıb, yüksək temperaturdan velosiped ehtiyat hissələri və əşyalar qarsalanıb. Digər bitişik qarajlara ziyan dəyməyib.
Hadisə yerinə FHN-in əməkdaşları cəlb olunublar. Yanğın söndürülüb.
