Bakının Xəzər rayonu, Binə qəsəbəsində 20 yaşlı qız itkin düşüb. Bu haqda bu gün, 17 fevral tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Qəsəbə ərazisində yaşayan Əfsanə İsmayılova 24 yanvar tarixində saat 14:00 radələrində evdən çıxıb və bir daha geri qayıtmayıb. Qızın atası məsələ ilə bağlı Xəzər Rayon Polis İdarəsinin 3-cü Polis Şöbəsinə müraciət edib.
İtkin düşən şəxsin əlamətləri: boyu 160 sm, gözlərinin rəngi qəhvəyi, saçları qara. Əfsanə evdən çıxan zaman əynində qara rəngli gödəkçə, qara cins və qara idman ayaqqabısı olub.
Qızı görən və yaxud hər hansı bir məlumatı olan şəxslərdən Xəzər Rayon Polis Şöbəsinin 3-cü Polis Şöbəsinə - 055-211-81-74, 051-571-03-11, 050-257-55-55, 012-590-72-03 və 012-456-03-02 telefon nömrələrinə zəng edərək məlumat vermələri xahiş olunur.
