10:30 - Yenilənib
İlkin araşdırmalara əsasən, hadisə “Hyundai” markalı avtomobilin sürücüsü Abil Həsənovun sükan arxasında yuxulaması və buna görə əks hərəkət zolağına çıxması səbəbindən baş verib. O, həmin gün fasiləsiz taksi fəaliyyəti ilə məşğul olduğunu bildirib.
Nəticədə, Qurban Əliyev və paytaxt sakinləri olan sərnişinlər: 13 yaşlı Lütfəlizadə Əminə və onun bacısı 12 yaşlı Zalina hadisə yerində həyatlarını itiriblər, onların anası Lütfəliyeva Nigar və İsmayılova Ülviyyə isə xəsarət alıblar. Bununla yanaşı, “Hyundai” markalı avtomobildə olan 5 nəfər sərnişin – Babayeva İradə, Babayeva Xatirə, Hüseynova Nayibə, Babayeva Göyərçin və Zeynalova Təranə müxtəlif dərəcəli bədən xəsarətləri ilə xəstəxanaya yerləşdiriliblər.
09:21 - Qala-Türkan yolunda qəza: 3 ölü, 1 yaralı
Bakının Xəzər rayonu, Qala-Türkan yolunda ağır qəza nəticəsində üç nəfər ölüb, bir nəfər xəsarət alıb. Bu haqda bu gün, 21 dekabr tarixində Bakuplus.az Daxili İşlər Nazirliyinə istinadən xəbər verir.
Dekabrın 20-si saat 17:30 radalərində “VAZ-2107” və “Hyundai” markalı avtomobillər toqquşub. “VAZ-2107”-nin sürücüsü, 63 yaşlı Qurban Əliyev, sərnişinləri - 13 yaşlı Aminə Lütfəlizadə və bacısı, 16 yaşlı Zalina həyatlarını itiriblər. Qızların anası xəstəxanaya yerləşdirilib.
Hadisənin təfərrüatları araşdırılır.
