Bakının Xəzər rayonunda bir-birinə yaxın məsafədə yerləşən iki evdə yanğın olub. Bu haqda bu gün, 29 aprel tarixində Bakuplus.az Fövqəladə Hallar Nazirliyinin (FHN) Mətbuat Xidmətinə istinadən məlumat verir.
Tikintisi başa çatmayan, ümumi sahəsi 120 kv.m olan ikimərtəbəli evin 1-ci mərtəbəsinin yanar konstruksiyaları, 2-ci mərtəbəsinin tavanı və ondulindən ibarət dam örtüyü yanıb. Yaxınlığında yerləşən, ümumi sahəsi 90 kv.m olan birmərtəbəli evin ondulindən ibarət dam örtüyü də 3 kv.m sahədə yanıb.
Hadisə yerinə cəlb olunan FHN əməkdaşları yanğını söndürüblər. Evin qalan hissəsi alovdan mühafizə olunub. Xəsarət alan olmayıb.
