Xəzər dənizində qanunsuz balıq ovu ilə məşğul olan 3 Qaradağ rayonu sakini saxlanılıb. Bu haqda bu gün, 14 iyun tarixində Bakuplus.az Dövlət Sərhəd Xidmətinə istinadən məlumat verir.
İyunun 12-də icazəsiz rejim sularına çıxan “ƏL-1431” bort nömrəli kiçikhəcmli üzmə vasitəsi aşkar olunub.
Aparılmış əməliyyat tədbirləri nəticəsində partlayıcı vasitələrdən istifadə edərək qanunsuz balıq ovu ilə məşğul olan Elman Nuriyev, Mustafa Dəmirov və Şəhriyar İskəndərov saxlanılıblar. Hər üç şəxs Daxili İşlər Nazirliyinin Su Nəqliyyatında Polis İdarəsinin əməkdaşlarına təhvil verilib.
