Paytaxtın Yasamal rayonunda bir dam altında olan obyektlər yanıb. Bu haqda bu gün, 7 aprel tarixində Bakuplus.az Fövqəladə Hallar Nazirliyinə istinadən xəbər verir.
Ümumi sahəsi 1730 kv.m olan birmərtəbəli obyektlər 85 kv.m sahədə alışıb. Nəticədə içəridə olan qapılar və tutumu 10 litr olan 10 ədəd boya ilə dolu çəllək kül olub. Alov yaxınlıqda yerləşən və sahəsi 1080 kv.m olan obyektə keçərək tavanını 100 kv.m sahədə əridib. Digər obyektlərə ziyan dəyməyib.
Hadisə yerinə FHN-in əməkdaşları cəlb olunublar. Yanğın söndürülüb.
