Paytaxtın Yasamal rayonunda 87 yaşlı qadına qarşı soyğunçuluq edən şəxs polis əməkdaşları tərəfindən saxlanılıb. Bu haqda bu gün, 29 iyul tarixində Bakuplus.az Daxili İşlər Nazirliyinin (DİN) Mətbuat Xidmətinə istinadən məlumat verir.
Polisə müraciət edən qadın ayın 26-da baş vermiş hadisə haqda məlumat verib. O, günorta saatlarında yaşadığı evin yaxınlığında bir nəfərin ona zor tətbiq edərək, içərisində 65 manat pulu və mobil telefonu olan çantasını taladığını bildirib.
Yasamal RPİ 28-ci Polis Şöbəsi əməkdaşlarının keçirdikləri tədbirlər nəticəsində əməli törətməkdə şübhəli bilinən, əvvəllər oğurluq, dələduzluq və narkotiklərlə əlaqəli cinayətlərə görə məhkum olunmuş 33 yaşlı Səməd Məmmədov saxlanılıb.
Faktla bağlı araşdırma aparılır.
