Azərbaycan Dövlət Akademik Musiqili Teatrında "Anamın kitabı" tamaşası göstəriləcək. Bu haqda 17 noyabr tarixində Bakuplus.az məlumat verir.
Cəlil Məmmədquluzadənin "Anamın kitabı" əsəri əsasında hazırlanan tamaşa 27 noyabr tarixində saat 19:00-da nümayiş olunacaq. Səhnə əsərinin quruluşçu rejissoru İradə Gözəlova, quruluşçu rəssamı Vüsal Rəhim, videomühəndisi Murad Həsənovdur. Döyüş səhnələrinin və rəqslərin quruluşu Xalq artisti Pərviz Məmmədrzayev və rejissor Zaur Əliyevə aiddir. Teatrın tarixində ilk dəfə olaraq tamaşa ingilis dilində nümayiş olunacaq.
İngilis dilində hazırlanan tamaşanın əsas ideyası ana dilimizin təbliğatından ibarətdir.
Biletləri şəhərin bütün mərkəzləşdirilmiş kassalarından, “ASAN Xidmət” mərkəzlərindən, eləcə də İticket.az saytından əldə etmək mümkündür.
