Azərbaycan Dövlət Akademik Musiqili Teatrının səhnəsində uşaq və yeniyetmələr üçün beynəlxalq layihənin premyerası - “Sehrli nəğmə” musiqili tamaşası 18 dekabr saat 14:00-da təqdim olunacaq. Bu haqda bu gün, 15 dekabr tarixində Bakuplus.az məlumat verir.
Tamaşa “Cartier Evi” ilə əməkdaşlıq və Azərbaycan Mədəniyyət Nazirliyinin dəstəyi ilə həyata keçirilir.
Hekayəyə görə, baş qəhrəman fantaziya aləmindən real dünyaya keçiddə çətinlik çəksə də, gələcəkdə hər şeyin öhdəsindən asanlıqla və böyük məharətlə gəlir. Dəyişən dünyada gözəl səyahətlər zamanı onu anasının laylası müşayiət edir. Tamaşanın rəngarəng süjeti fonunda onun əsas vəzifəsi insan həyatını poetik çalarlar ilə göstərməkdir.
Tamaşa Moskva və Sankt-Peterburqdan dəvət olunmuş mütəxəssislərin iştirakı ilə səhnələşdirilib. Sözləri Xalq şairi Bəxtiyar Vahabzadəyə məxsus laylaların musiqisinin müəllifi Əməkdar incəsənət xadimi Zakir Bağırovdur.
