“Salaam Cinema Baku”da sənətkarlarla görüş keçiriləcək. Bu haqda bu gün, 31 yanvar tarixində Bakuplus.az təşkilata istinadən xəbər verir.
“TeatrLab” layihəsi çərçivəsində Nikolay Mulakov və Alena Papina öz təcrübələrini bölüşəcəklər.
Nikolay Mulakov - aktyor, vizual rəssamdır. Rusiya Teatr Sənəti İnstitutu (Moskva) və Moskva Yeni Kino Məktəbini aktyor ixtisası üzrə bitirib. Hazırda “Theatre.doc”da çalışır (Moskva).
Alena Papina - Rəqqasə, performer, kurator, pedaqoq və tədqiqatçıdır. “Fulbrayt” proqramının qrant qalibi, Qran Pri kateqoriyasında Sergey Kuryoxin Mükafatına namizəddir.
Onlar öz işlərinin təməlindəki hekayələri bölüşəcək və teatr, müasir incəsənət, tamaşa və rəqs də daxil olmaqla, fənlər üzrə müxtəlif təcrübələri haqqında məlumat verəcəklər.
Tədbir 2 fevral saat 19:00-da baş tutacaq. Giriş sərbəstdir.
