Bakı Rus Evində klassik musiqi konserti keçiriləcək. Bu haqda bu gün, 7 yanvar tarixində Bakuplus.az mədəniyyət evinə istinadən xəbər verir.
"Музыкальное путешествие в Мир Классики" adlı konsertdə Fidan Dəmirova, Zümrüd Davudova və Nərgiz Əliyeva çıxış edəcəklər.
- Fidan Dəmirova Azərbaycan Milli Konservatoriyasını bitirib və Qalina Vişnevskayanın opera mərkəzində təhsil alıb. Hazırda Moskvada yaşayır.
- Zümrüd Davudova Azərbaycan Dövlət Akademik Opera və Balet Teatrının solisti, beynəlxalq festival və konkursların laureatıdır.
- Nərgiz Əliyeva Avropa Elmlər Akademiyasının “Motsart” medalının sahibi, Əməkdar artist, Qara Qarayev adına Azərbaycan Kamera Orkestrinin direktorudur.
Tədbir 12 yanvar saat 19:00-da Bakı Rus Evində təşkil olunacaq. Ünvan: Ü.Hacıbəyli küçəsi, 77B. Giriş sərbəstdir.
