Bakıda dünyanın ən böyük kukla teatrının qastrolu keçiriləcək. Bu haqda 11 noyabr tarixində 1news.az məlumat verib.
26-27 noyabr tarixlərində Səməd Vurğun adına Azərbaycan Dövlət Akademik Rus Dram Teatrının səhnəsində ilk dəfə olaraq Sergey Obraztsov adına Dövlət Akademik Mərkəzi Kukla Teatrının böyük qastrol səfəri keçiriləcək.
Sergey Obraztsov adına Rus Kukla Teatrı dünyanın ən böyük kukla teatrıdır. Noyabrın 26-da Şarl Perronun məşhur nağılı əsasında klassik kukla tamaşası olan “Çəkməli pişik” tamaşası nümayiş olunacaq. Noyabrın 27-də isə “Ələddinin sehrli çırağı” tamaşası nümayiş olunacaq.
Tamaşaların biletlərini teatrın kassalarından, şəhərin mərkəzləşdirilmiş kassalarından və onlayn olaraq iTicket.az saytından əldə etmək olar.
