Bakı şəhərində 2 uşaq bağçası istifadəyə verilib. Bu haqda Bakuplus.az 3 iyul tarixində Report-a istinadən məlumat verir.
Hövsan qəsəbəsində yerləşən 13 və 14 nömrəli uşaq bağçalarının açılış mərasimində Bakı Şəhəri üzrə Təhsil İdarəsinin (BŞTİ) müdiri Mehriban Vəliyeva, Elm və Təhsil Nazirliyinin Məktəbəqədər təhsilin təşkili və idarəolunması sektorunun müdiri İlahə Rəsulova, müəllimlər və valideynlər iştirak ediblər.
Bu bağçalarda ümumilikdə 10 qrup fəaliyyət göstərəcək. Burada 3-6 yaşlı 200 uşağın təlim-tərbiyəsi aparılacaq.
