Milli Azərbaycan Tarixi Muzeyində yeni ekspozisiya göstəriləcək. Bu haqda bu gün, 24 iyul tarixində Bakuplus.az muzeyə istinadən xəbər verir.
Muzeydə təqdim olunacaq ekspozisiya kəlağayılara həsr ediləcək. Onlar Şəki, Basqal, Şamaxı və Naxçıvanda istehsal olunub. Bu barədə Etnoqrafiya Elmi Fond şöbəsinin müdiri Gülzadə Abdulova bildirib. XIX əsrə və XX əsrin əvvəllərinə aid olan həmin eksponatlar öz unikallığı ilə diqqəti cəlb edir.
Kəlağayı - Azərbaycanda qadınlara məxsus, ipək sapdan hazırlanmış dördkünc formalı baş örtüyüdür. 2014-cü ilin noyabr ayında Azərbaycan kəlağayısı UNESCO-nun Bəşəriyyətin qeyri-maddi mədəni irsi üzrə Reprezentativ Siyahısına “Qadın ipək baş örtüyü kəlağayını ənənəvi hazırlanma və daşınma mədəniyyəti və onun simvolikası” adı ilə daxil edilmişdir.
[caption id="attachment_107321" align="alignnone" width="640"]
Foto azertag.aza[/caption]
