Opera və Balet teatrında 20 noyabr, saat 15:00-da Frans Şubertin “Dahi hekayəçi” adlı ikipərdəli baleti təqdim olunacaq. Bu haqda bu gün, 18 noyabr tarixində Bakuplus.az məlumat verib.
Balet görkəmli Danimarka yazıçısı Hans Xristian Andersenin nağıllarına həsr edilib. Belə ki, tamaşanın süjet xəttini yazıçının “Kənd xoruzu və flüger”, “Qar kraliçası”, “Düyməcik”, “Qalay əsgər”, “Sehrli dibçək”, “Kralın təzə libası” kimi dünyaca məşhur olan nağılları təşkil edir.
Balet 3 yaşdan yuxarı uşaqlar üçün nəzərdə tutulub. Biletlərin qiyməti 5-10 manat təşkil edir.
