Azərbaycanın görkəmli musiqiçisi, Xalq artisti Ənvər Sadıqov ilk böyük solo konserti ilə çıxış edəcək. Bu haqda BakuPlus.az bu gün, 18 noyabr tarixində xəbər verir.
23 dekabr tarixində baş tutacaq musiqili gecədə “Qaytağı" instrumental ansamblının iştirakı ilə Ənvər Sadıqov və Emil Əfrasiyabın yeni layihəsi təqdim olunacaq.
Konsert Heydər Əliyev Sarayında təşkil olunacaq.
"Qaytağı" instrumental ansamblının bədii rəhbəri, Ənvər Sadıqov xalq musiqisi, muğam, klassik musiqi və caz ənənələrini məharətlə ifa edərək bu janrlar arasında körpü və sintez yaradır.
O, 2007-ci ildə Azərbaycan Respublikasının Əməkdar artisti, 2014-cü ildə isə Azərbaycan Respublikasının Xalq artisti fəxri adlarına layiq görülmüşdür.
Biletlərin qiyməti 10-120 manat arasında dəyişir. Onları şəhərin kassalarından və onlayn əldə edə bilərsiniz.
