YARAT İncəsənət Mərkəzində "Qısa, lakin intensiv" performans üzrə ustad dərsi keçiriləcək. Bu haqda bu gün, 23 noyabr tarixində Bakuplus.az mərkəzə istinadən xəbər verir.
Ustad dərsində siz öz bədəninizin köməyi ilə diqqət konsentrasiyasını artırmaq və onu hərəkətə çevirməklə bağlı strategiyaları öyrənəcəksiniz. Performans vasitəsilə öz ideyalarınızı təqdim etməyi və müəyyən mənada, sənət əsərini həyata keçirməyi öyrənəcəksiniz.
Tədbirin spikeri Türkiyəli mütəxəssis Nəzalət Əkici olacaq. O, Lüdviq Maksimilian Universitetində incəsənət təhsili üzrə magistr dərəcəsinə yiyələnib, eyni zamanda Təsviri İncəsənət Akademiyasında heykəltaraşlıq üzrə incəsənət təhsilini alıb və 4 qitənin 60-dan çox ölkəsində 300-dən çox performans əsərini təqdim edib.
Tədbir 28 noyabr saat 10:00-18:00 aralığında baş tutacaq. Ustad dərsi ingilis dilində və Azərbaycan dilinə ardıcıl tərcümə ilə aparılacaq. Qeydiyyatdan keçmək üçün linkə keçid edin. Qeydiyyatdan keçəndən sonra sizə SMS və e-poçt təsdiqləməsi göndəriləcək.
