Tədbirdə Yasamal rayon İcra Hakimiyyətinin başçısı Elşad Həsənov, millət vəkili Erkin Qədirli, rayon hüquq-mühafizə orqanlarının rəhbərləri, ziyalılar və rayon ictimaiyyətinin nümayəndələri iştirak edib.
Görüş zamanı Yasamal rayon Gənclər və İdman İdarəsinin rəisi İlham Səfərov Azərbaycan şairinin həyat və yaradıcılığı barədə söz açıb və “Nizami Gəncəvi İli” çərçivəsində ölkədə keçirilmiş tədbirlər haqqında məlumat verib.
Tədbirdə Nizaminin əsərlərindən ibarət rəsm əsərlərinin nümayişi baş tutub. Rəsmlərin müəllifi İncəsənət Gimnaziyasının şagirdləri Surə Sadıqova, Nəzrin Əliyeva və Şəfiqə Bağırovadır. Sonda isə N.Gəncəvi yaradıcılığına həsr olunmuş əsərlərdən parçalar canlandırılıb.
