Bakıda narkotiklərin satışı ilə məşğul olan şəxs saxlanılıb. Bu haqda bu gün, 22 fevral tarixində Daxili İşlər Nazirliyinin mətbuat xidməti məlumat verib.
Keşlə və NZS qəsəbələrində narkotiklərin qanunsuz dövriyyəsi ilə məşğul olan Vüsal Zülfəliyev polis əməkdaşları tərəfindən saxlanılıb. Həmin şəxsdə 2 kiloqrama yaxın heroin və metamfetamin aşkar edilib.
O, ifadəsində narkotikləri sosial şəbəkələrdə tanış olduğu İran vətəndaşından satmaq niyyəti ilə onlayn yolla aldığını bildirib.
V.Zülfəliyevin daxil olduğu narkoşəbəkənin digər üzvlərinin saxlanılması istiqamətində əməliyyat-istintaq tədbirləri davam etdirilir.
[caption id="attachment_91636" align="alignnone" width="640"]
Foto DİN-nin mətbuat xidməti[/caption]
