Nərimanov rayonunda istifadə olunmuş oyuncaqları, kitabları sataraq yenilərini almaq istəyən valideynlər üçün “Uşaq satış yarmarkası” keçiriləcək. Bu haqda 24 sentyabr tarixində Bakuplus.az məlumat verir.
Yarmarka 2 oktyabrda keçiriləcək və 6-16 yaş arasındakı uşaqlar üçün nəzərdə tutulub. Həmin gün uşaqlar oyuncaqlarını, kitablarını, hazırladıqları əl işlərini, idman avadanlıqlarını, hətta özlərinin hazırladıqları şirniyyatları belə satışa çıxara biləcəklər.
Satışa çıxarılacaq məhsulların hər birinin qiyməti 15 manatı keçməməlidir.
Bu yarmarkanı keçirməkdə məqsəd uşaqlarda köhnə əşyaların yenidən istifadəsi ilə bağlı həvəs yaratmaq, məhsullara qiymət qoyaraq dəyər-qiymət formalaşdırmaq təcrübəsi qazandırmaq, alıcılarla ünsiyyət zamanı sosial bacarıqları inkişaf etdirməkdir.
Sərgidə bir stendin qiyməti simvolik olaraq 5 manatdır. Bir stenddə 2 uşaq iştirak edə bilər. Stend əldə edərək satışda iştirak etmək istəyənlər 055 777 07 26 nömrəsinə yaza və ya zəng edə bilərlər.
Keçiriləcək məkan: Nəriman Nərimanov m/s-nin yanı, Nazim Hacıyev, 17.
Yarmarkada uşaqları maraqlı və əyləncəli proqram gözləyir.
