"3 ay əvvəl sevindik ki, bizim küçəmizi də düzəldəcəklər. Təəssüf ki, sevincimiz gözümüzdə qaldı".
Bu sözləri Bakuplus.az-a açıqlamasında Qaradağ rayonu, Sahil qəsəbəsi, Milli Qəhrəman Emin Quliyev küçəsində yaşayan Əfiqə Məmmədova deyib.
Onun sözlərinə görə, Dövlət Su Ehtiyatları Agentliyinin əməkdaşları 3 ay əvvəl küçəni qazaraq, su borularını dəyişiblər: "Köhnə boruları, daşı, qumu küçəmizə töküb getdilər. Küçəni qazanda demişdilər ki, yeni asfalt töküləcək. Ancaq heç nə edilmədi. Milli Qəhrəman adına olan küçə pis gündədir. Dərdimizi kimə deyək, bilmirik".
