Sabunçu rayonu Bilgəh qəsəbəsi ərazisində piyadanın ölümü ilə nəticələnən yol-nəqliyyat hadisəsi baş verib.
APA xəbər verir ki, saat 18:30 radələrində Bilgəh ərazisində piyadanın vurulması ilə bağlı Respublika Təcili və Təxirəsalınmaz Tibbi Yardım Mərkəzinə çağırış daxil olub. Çağırış ünvanına təcili tibbi yardım briqadası cəlb olunub.
Qəza nəticəsində xəsarət alan təxminən 50-55 yaşlarında (kişi cinsli) şəxsin Təcili tibbi yardım briqadası tərəfindən həkimə qədər ölüm faktı qeydə alınıb.
