Bakının Sabunçu rayonu, Balaxanı yolunda xəsarətlə nəticələnən yol qəzası baş verib. Bu haqda bu gün, 16 iyun tarixində Bakuplus.az APA-ya istinadən məlumat verir.
“Chevrolet” markalı minik avtomobili hərəkətdə olan “Mercedes” markalı iritonnajlı nəqliyyat vasitəsinə çarpılıb. Hadisə nəticəsində minik avtomobilinin sürücüsü ağır xəsarət alıb. O, xəstəxanaya yerləşdirilib.
Avtodaşıyıcı maşının sürücüsü İlqar Mahmudovun sözlərinə görə, onun qarşısında qəflətən maneə çıxıb və o, əyləcə basıb. Bu zaman arxadan gələn “Chevrolet”in sürücüsü ara məsafəsini düzgün seçmədiyinə görə ona çarpılıb.
Əraziyə Sabunçu Rayon Polis İdarəsinin və Yol Polisi Şöbəsinin əməkdaşları cəlb ediliblər. Araşdırma aparılır.
[caption id="attachment_103563" align="alignnone" width="640"]
Foto Apa.az saytı[/caption]
