Paytaxtın Səbail rayonu, Tərlan Əliyarbəyov küçəsində yerləşən “Location Baku” gecə klubunda partlayış olub. Bu haqda bu gün, 3 aprel tarixində Bakuplus.az Baş Prokurorluğa istinadən xəbər verir.
Saat 03:00 radələrində baş vermiş hadisədə 37 nəfər xəsarət alıb, bir nəfər - gecə klubunun əməkdaşı, 43 yaşlı Maya Axundova dünyasını dəyişib. Xəsarət alanların arasında 2 əcnəbi vətəndaş da var.
Nəticədə 14 avtomobil, 1 mənzil və 2 qeyri-yaşayış obyekti zərər görüb. Hadisə yerinə FHN-nin və Təcili Tibbi Yardımın əməkdaşları cəlb olunub.
Həmçinin Fövqəladə Hallar Naziri və Baş Prokurorun birinci müavini əraziyə baxış keçiriblər.
Səbəb olaraq qaz balonunun partlaması göstərilir. Faktla bağlı cinayət işi başlanılıb.
Səbəb olaraq qaz balonunun
