Bakının Suraxanı rayonu, Bülbülə qəsəbəsində yerləşən evlərin birində bıçaqlanma hadisəsi baş verib. Bir nəfər öldürülüb, iki nəfər ağır xəsarət alıb. Bu haqda bu gün, 31 iyul tarixində Bakuplus.az Xəzər Xəbər-ə istinadən məlumat verir.
Mübahisə 29 iyul, saat 23:00 radələrində qısqanclıq zəminində baş verib. Bıçaqlanma nəticəsində 25 yaşlı Bəkir Qurbanov qətlə yetirilib, 37 yaşlı Şahin Əhmədov və 26 yaşlı İmamverdi Quluzadə bıçaq xəsarətləri ilə Sabunçu Tibb Mərkəzinə yerləşdiriliblər.
Faktla bağlı Suraxanı Rayon Prokurorluğunda Cinayət Məcəlləsinin “qəsdən adam öldürmə” maddəsi ilə cinayət işi başlanılıb.
