Bakıda bir qrup vətəndaş 5 ildir əmək kitabçalarını şirkətdən ala bilmir. Bu haqda bu gün, 31 mart tarixində Bakuplus.az Xəzər Xəbər-ə istinadən məlumat verir.
Belə ki, şikayətçi xanımlar iddia edirlər ki, bir zamanlar çalışdıqları “Kaspian Hospital” fəaliyyətini dayandırıb və müəssisənin əmlakı Mərkəzi Gömrük Hospitalına keçib. Bundan sonra isə xanımlar işləməyiblər, ancaq onlar 5 ildir ki, şirkətin işçisi kimi qeydiyyatda olublar və əmək kitabçalarını hospitaldan ala bilmirlər.
“5 ildir başqa yerdə işləməmişik adımız hospitalda qeydiyyatda olub deyə. İndi isə bizə qarşılığında heç nə vermək istəmirlər”, - deyə şikayətçilər bildirirlər.
Mərkəzi Gömrük Komitəsindən məsələ ilə bağlı bildirilib ki, xanımlara məhkəməyə müraciət etmələri tövsiyə olunmuşdur ki, adları portaldan çıxarılsın. İndi də onlar məhkəməyə müraciət edərək əmək kitabçalarını geri ala bilərlər, ancaq faktiki olaraq işləmədiklərinə görə onlara əməkhaqqı verilməyəcək.
