Azyaşlı qızın ölümünə səbəb olan tibb bacısı cəzalandırılıb. Bu haqda 21 aprel tarixində Qafqazinfo məlumat verib.
Ötən il Yasamal rayonunda tibb bacısı işləyən 63 yaşlı İ.Quliyeva qrip olan 10 yaşlı oğlana və 6 yaşlı qıza yoxlamadan “Seftriaksion 500 mg” antibiotik iynəsini vurub.
Oğlanda hər hansı neqativ reaksiya olmasa da, 10-15 dəqiqə sonra Dəniz adlı qız şoka düşüb. Tibb bacısının antibiotiklərlə bağlı şoka qarşı pereparatı olmadığından, uşağa dərhal yardım göstərilməyib. Təxminən 1 saat sonra azyaşlı Respublika Klinik Xəstəxanasına çatdırılsa da, onun həyatını xilas etmək mümkün olmayıb.
Aprelin 19-da başa çatan məhkəmə prosesində azyaşlının ailəsi İ.Quliyevadan şikayətçi olmadığını bildirib. Cinayət Məcəlləsinin “Ehtiyatsızlıqdan adam öldürmə” maddəsi ilə ona 1 il müddətinə azadlığın məhdudlaşdırılması cəzası verilib və üzərinə elektron nəzarət cihazı tətbiq edilib.
