Xırdalan şəhəri Heydər Əliyev parkında ağac yanıb. Ərazidə yerləşən mağaza sahibləri yanan ağacı söndürməyə cəhd ediblər.
SƏHƏR.MEDİA xəbər portalının əməkdaşları ərazidən keçərkən hadisənin şahidi olublar və ağacın söndürülməsi üçün FHN-nin çağrı xidmətinə zəng vurublar. FHN əməkdaşları operativ şəkildə əraziyə gələrək ağacın tam yanmasının qarşısını alıblar.
Ərazidə yaşayan vətəndaşlar iddia edirlər ki, bu ağacın yandırılması cəhdi burada növbəti köşk və ya hər hansısa ticarət obyektinin tikilməsinə hesablanıb.
Sakinlər bildiriblər ki, park ərazisində bu ağacın yandırılması halı artıq 3-cü dəfə təkrarlanır.
