Qida Təhlükəsizliyi müfəttişləri Bakıda fəaliyyət göstərən qida müəssisələrində monitorinq keçirib. Bu haqda bu gün, 13 dekabr tarixində Bakuplus.az Qida Təhlükəsizliyi Agentliyinə istinadən xəbər verir.
Yoxlama zamanı şəhərin Xəzər, Yasamal, Nəsimi, Xətai rayonlarında yerləşən apteklərdə obliqat qrupuna daxil olan işçilərin ilkin və dövri tibbi müayinədən keçməməsi ilə bağlı nöqsanlar tapılıb.
Eləcə də Binəqədi, Xəzər rayonlarında fəaliyyət göstərən "Quru Meyvələr İran Nemətləri” və "Çərəzella İran Nemətləri” mağazasında Azərbaycan dilində markalanması olmayan məhsulların satışı ilə bağlı nöqsanlar aşkarlanıb.
Aşkar edilmiş nöqsanlarla bağlı qanunvericiliyin tələblərinə uyğun müvafiq tədbirlər görülüb.
