Yanvarın 15-də Bakı şəhəri, Binəqədi rayonu, A.Kunanbayev küçəsinin yaxınlığında partlayış baş verən mebel sexinə qazlaşdırma həyata keçirilməyib. Bu haqda bu gün, 19 yanvar tarixində Bakuplus.az “Azəriqaz” İB-nin rəsmisi Eldəniz Vəliyevə istinadən məlumat verir.
Onun sözlərinə görə, qurum tərəfindən yalnız sexə aid olan ofis qazlaşdırılıb.
"Biz mütəxəssis olmadığımız üçün o cür partlayışın qazdan olub-olmaması sualına cavab verə bilməyəcəyik. Ancaq bizim əməkdaşlar, müstəqil və tərəfsiz qurum olan “Təmiz Qaz”ın əməkdaşı, Fövqəladə Hallar Nazirliyinin və Baş Prokurorluğun nümayəndələri orada bir neçə gün istintaq tədbirləri həyata keçirdilər”, – Vəliyev dedi.
Sexdə baş vermiş partlayış və yanğın nəticəsində 9 nəfər həlak olub, 24 nəfər müxtəlif xəsarətlər alıb. Faktla bağlı cinayət işi açılıb.
