AZAL yaxın vaxtlarda Bakıdan Pakistanın İslamabad, Lahor və Kəraçi şəhərlərinə həftədə iki dəfə birbaşa uçuşlar həyata keçirməyi planlaşdırır.
Rəqəmsal inkişaf və nəqliyyat naziri Rəşad Nəbiyevin Pakistan İslam Respublikasına səfəri çərçivəsində baş tutan görüşlərdə iki ölkə arasında nəqliyyat sektorunda, o cümlədən hava, dəmir yolu və tranzit daşımalarında əməkdaşlığın inkişaf etdirilməsi məsələləri müzakirə olunub.
Nəbiyev Azərbaycanın işğaldan azad edilmiş ərazilərində həyata keçirilən irimiqyaslı yenidənqurma və bərpa layihələri barədə Pakistan tərəfinə məlumat verib.
