Bu gün səhər saatlarından etibarən bəzi KİV-lərdə Bakı şəhərində yağan güclü yağış səbəbindən Heydər Əliyev prospektində yerləşən "Bağırov" körpüsünü yenidən su basması məlumatı yer alıb. Bakı Şəhər İcra Hakimiyyətindən Bakuplus.az-a daxil olan məlumatda bildirib ki, səhər saatlarından etibarən aidiyyəti qurumların birgə əlaqəli fəaliyyəti nəticəsində Heydər Əliyev prospektində yerləşən "Bağırov" körpüsündə yaranan subasma təhlükəsi aradan qaldırılıb:
“Körpüyə aid su nasosları adi rejimdə işləyir, bura əlavə texnika və işçi qüvvəsi cəlb edilib. Paytaxtda riskli ərazilərdə yerləşən digər körpü və keçidlər də nəzarətdə saxlanılır”.
***
Bakıya yağan leysan yağışları nəticəsində Nərimanov rayonundakı "Bağırov körpüsü"nün altına yenidən su dolur.
Bakuplus.az xəbər verir ki, bu barədə görüntülər sosial şəbəkədə paylaşılıb.
Qeyd edək ki, bir neçə gün öncə iki gün ard-arda paytaxtda müşahidə olunan intensiv yağış şəhərin müxtəlif ərazilərində, xüsusilə də "Bağırov körpüsü" ətrafında ciddi fəsadlar törədib.
Sözügedən körpünün ərazisindən son görüntüləri təqdim edirik:
@bakuplus.az"Bağırov körpü"sü hazırda...♬ оригинальный звук - BakuPlus.Az
