Bakıxanov qəsəbəsində yerləşən sığınacaqda uşaqlara əzab-əziyyət verilməsi məlum olub. Bu haqda BakuPlus.az Sabunçu rayon prokurorluğuna istinadən bu gün, 2 iyun tarixində xəbər verir.
Mayın 10-da keçirilən monitorinqlər zamanı uşaqların bədəni üzərində zorakılıq əlamətləri aşkarlanıb.
Araşdırmalar nəticəsində bu ilin fevral ayının sonundan may ayının əvvəlinə qədər sığınacaqda saxlanılan C.M.-nın (ad, soyadı şərti) həmin müddət ərzində psixoloji və fiziki zorakılığa məruz qaldığı və başqa bu cür əməllərə şahid olduğu məlum olub.
Sığınacaqda qalan digər iki azyaşlının bədənində də orada qaldıqları vaxt xəsarət izləri aşkarlanıb.
Faktla bağlı prokurorluqda cinayət işi başlanılıb.
Istintaq tədbirləri davam edir.
Yenilənmə 11:30
Uşaqlara əzab verilən sığınacağın adı məlum olub. Bu haqda Report xəbər verib.
Məlumata əsasən, bu, təşkilatçısı Könül Qasımova olan "Sevgi Evi" qadın və uşaq sığınacağıdır.
