Bakıda gübrə anbarları istifadəyə veriləcək. Bu haqda BakuPlus.az Marja.az-a istinadən bu gün, 21 aprel tarixində xəbər verir.
Abşeron Logistika Mərkəzində hal-hazırda böyük tələbat olan kimyəvi zəhərli maddələrin saxlanılması üçün gübrə anbarları inşa edilir.
Mərkəz tərəfindən anbarların tikinti prosesində bütün fitosanitar normalara əməl edilmiş, yanğından mühafizə və digər təhlükəsizlik tədbirləri görülmüş, havadəyişən qurğular quraşdırılmışdır.
Peşəkar ekspertlərin nəzarəti altında inşa edilən anbarlar, bütün texniki şərtlərə və sanitar-gigiyena tələblərinə uyğunlaşdırılıb.
Abşeron Logistika Mərkəzi tərəfindən verilən məlumata görə, inşası davam edən anbarlar bu il aprel ayının sonlarında istifadəyə veriləcək.
Gələcəkdə tələbat olarsa, yeni gübrə anbarlarının tikintisi də planlaşdırılır.
