Bakıda uşaq geyimlərinin tikişi və satışı ilə məşğul olan “Donne Baku” mağazasının reklamı sosial şəbəkələrdə müzakirələrə səbəb olub.
Mağazanın "@Donna Kids" profilində satışa çıxarılan uşaq geyimi erməni mahnısı ilə reklam edilib.
Mağazanın sahibi İnci Sadıqova Bizim.Media-ya bildirib ki, bunun erməni musiqisi olduğunu bilməyiblər: “Saytlarda bu haqda xəbər paylaşılanda rəylərdə bir çox vətəndaş şəhərdə bunu maşınlarda yüksək səslə dinlədiklərini qeyd ediblər. Nə qədər platformalarda buna videolar çəkilir və heç bir yerdə bunun erməni musiqisi olduğu qeyd olunmur. Bunun erməni musiqisi olduğunu bilmirdik. Bilən kimi həmin reklamı bütün platformalardan yığışdırmışıq. Biz erməni mahnısı ilə nə çörək qazanarıq, nə də uşağımıza çörək yedirdərik”.
