Ötən gün Bakıda keçirilən Zəfər Tibb Simpoziumunda Almaniya modeli nümunəsində müasir serebrovaskulyar mərkəzin təşkilinin əhəmiyyəti, insult mərkəzlərinin təşkili və radiologiya sahəsindəki ən müasir təcrübələrdən bəhs edilib. Bu haqda Azərtac xəbər verib.
Tədbir Azərbaycan Tibb Universitetində Səhiyyə Nazirliyi, Diasporla İş üzrə Dövlət Komitəsi və Almaniya-Azərbaycan Radioloji və Neyroradioloji Cəmiyyətinin birgə təşkilatçılığı ilə baş tutub.
Köln Universitetinin tibb elmləri doktoru Nuran Abdullayev bildirib ki, Azərbaycanda olan insult xəstələri ilə bağlı elmi araşdırmaların istinad edilən elmi ədəbiyyatlara daxil edilməsi vacibdir: “Danışıqlar nəticəsində, Azərbaycanda insult mərkəzlərinin qurulması pilot layihə kimi artıq ön plana çıxıb və mərkəzlərin fəaliyyətlərinin təşkili üçün işə başlanılıb. Azərbaycanda insult mərkəzlərinin təşkili xəstələrlə bağlı daha dəqiq statistika aparmağa imkan yaradacaq”.
Bundan əvvəl, simpoziumun keçiriləcəyi barədə xəbər vermişdik. 29 oktyabrda Bakıda Zəfər Tibb Simpoziumunun açılış mərasimi keçirilmişdir.
[caption id="attachment_12262" align="alignnone" width="800"]
Foto Azərbaycan Tibb Universitetinin saytı[/caption]
