Paytaxtın Yasamal rayonu, Cəfər Cabbarlı 4 ünvanında yerləşən tarixi bina qəzalı vəziyyətdədir. Bu haqda bu gün, 17 mart tarixində Bakuplus.az Caliber.az-a istinadən xəbər verir.
1914-cü ildə Hacıyev qardaşları tərəfindən inşa olunan, 2001-ci ildə tarixi-memarlıq abidəsi kimi qeydiyyata alınan bina 30 ildir qəzalı vəziyyətdədır.
Eyvanlar dağılır, binanın fasadındakı daşlar tökülür. Sakinlər bu dövr ərzində ölüm hadisəsinin olmamasını möcüzə adlandırırlar.
Onlar, həmçinin bildirirlər ki, dövlət onları müvəqqəti köçürəcəyini, kirayə pulu ödəyəcəyini və binanı əsaslı təmir edəcəyini vəd etmişdir, lakin bu işlərdən heç biri bu günə qədər görülməyib.
Yasamal rayon İcra Hakimiyyətindən məsələ ilə bağlı xəbərdar odluqlarını, Nazirlər Kabinetinə artıq müraciət etdiklərini bildiriblər. 1-1,5 ilə problemin öz həllini tapacağı qeyd edilib.
“Binanın sökülməsi barədə heç bir müzakirə də aparıla bilməz. Tikili əhəmiyyətli memarlıq abidələrindən biridir”, - deyə qurum əlavə edib.
[URIS id=37367]
