Bakıda 27 noyabr tarixində “Qadınlara və qızlara qarşı zorakılığa son!” şüarı ilə veloyürüş baş tutub. Bu haqda bu gün, 28 noyabr tarixində Bakuplus.az Report-a istinadən məlumat verir.
Azərbaycan Velosiped Federasiyası tərəfindən təşkil olunan tədbir “Azneft” dairəsindən başlayaraq Heydər Əliyev Mərkəzinin qarşısında yekunlaşıb.
Yürüşə 40-a yaxın qadın qatılıb. Burada Binəqədi Gənclər Evi, müxtəlif gənclər təşkilatları və Azərbaycan milli komandasının xanım üzvləri, həmçinin həvəskar xanım velosipedçilər iştirak ediblər.
