Bakıda qeyri-qanuni fəaliyyət göstərən, xarici dövlətlərdə qeydiyyatda olan avtonəqliyyat vasitələrinə qarşı reyd keçirilib. Bu haqda 9 aprel tarixində Bakuplus.az Xəzərxəbər-ə istinadən xəbər verir.
Reyd zamanı qeyri-qanuni sərnişindaşıma ilə məğul olan xarici dövlətlərdə qeydiyyatda olan avtomobillər saxlanılıb. Baxış zamanı sürücülər sərnişindaşıma ilə bağlı müvafiq sənəd təqdim edə bilməyiblər.
“Sözügedən avtonəqliyyat vasitələrinin sürücüləri heç bir halda yerli daşımalar həyata keçirə bilməzlər. Bu tədbirlər planında aşkarlandı ki, xarici dövlət nömrə nişanlı nəqliyyat vasitələri respublikada yerli sərnişindaşıma və yükdaşıma fəaliyyətləri göstərirlər. Avtomobil Nəqliyyatı Haqqıda Azərbaycan Respublikasının Qanununun 50.4-cü maddəsinə əsasən, xarici dövlət nömrə nişanlı nəqliyyat vasitələri yerli daşımaları yerinə yetirə bilməz”, - "Avtomobil Nəqliyyatı ilə Daşımaların Təşkili" MMC-nin baş direktorunun müavini Firuz Nəzirov bildirib.
Xarici dövlət qeydiyyat nişanlı nəqliyyat vasitələri ilə sərnişindaşıma həyata keçirən sürücülər inzibati qaydada məsuliyyətə cəlb ediliblər.
