Bakıda qətlə yetirilən ər və arvadla bağlı yeni təfərrüatlar məlum olub.
Bakuplus.az xəbər verir ki, 84 yaşlı İosif Tkaç Zusyeviç Rus Dram Teatrının aktyoru imiş.
Onun həyat yoldaşı, qətlə yetirilən Lyudmila Tkaç Mixaylovna isə əməkdar müəllim idi. O, riyaziyyatdan dərs deyirdi. Nəsimi rayonu 9 saylı məktəbdə dərs deyən Lyudmila Tkaç Mixaylovna 2015-ci ildə Prezidentin Sərəncamı ilə "Əməkdar müəllim” fəxri adına layiq görülüb.
***
Bakının Nəsimi rayonunda 1939-cu il təvəllüdlü İosif Tkaç Zusyeviçin və arvadı 1944-cü il təvəllüdlü Lyudmila Tkaç Mixaylovnanın qətlə yetirilməsi barədə polisə məlumat daxil olub.
Bu barədə Bakuplus.az-a Daxili İşlər Nazirliyinin (DİN) Mətbuat xidmətindən məlumat verilib.
Bildirilib ki, polis əməkdaşlarının keçirdikləri tədbirlərlə cinayət əməlini törətməkdə şübhəli bilinən 1973-cü il təvəllüdlü İslam Hadıyev müəyyən olunaraq saxlanılıb.
Məlumata görə, faktla bağlı araşdırma aparılır.
Bakuplus.az mərhumların fotolarını təqdim edir.
