Badamdar qəsəbəsi 20-ci sahə adlanan ərazidə tikinti-bərpa işləri davam edir. Bu barədə ARB TV reportaj hazırlayıb.
9 ay öncə böyük torpaq kütləsi 20-ci sahəni Badamdar qəsəbəsini birləşdirən avtomobil yolunu keçilməz etmiş, evlərin və obyektlərin bir hissəsi torpaq qatının altında qalmışdır. Hal-hazırda yamacın yuxarı hissəsində torpaq bərkitmə işləri aparılır. Bunun üçün də əraziyə xüsusi texnikalar cəlb olunub. Həmin sahədə yola dağılan torpaq kütləsi ərazidən daşınaraq kənarlaşdırılıb və yamacın ön hissəsinə hündürlüyü 4-5 metr olmaqla istinad divarı çəkilib.
Ötən günlər yağışlı hava bəzi sürüşmə zonalarına, xüsusilə Suraxanı rayonunun Zığ qəsəbəsində, təsir göstərib.
