Azərbaycan Yerüstü Nəqliyyat Agentliyi paytaxtın mərkəzi küçələrində yeni velosiped yollarının təşkili işini davam etdirir.
Bakuplus.az xəbər verir ki, son yeniliklərdən biri də 28 May küçəsindəki velosiped yollarıdır. Burada digər yollarla kəsişən hissələrdə yaşıl boya ilə nişanlanma işləri aparılır, sürücülərin diqqətini çəkmək və velosipedçilərin təhlükəsizliyini təmin etmək məqsədilə tədbirlər davam edir.
Eyni zamanda, Zərifə Əliyeva küçəsində də velosiped yolları təkmilləşdirilib. Bu küçədə 8 yeni nişan və 26 təhlükəsizlik səddi quraşdırılıb.
AYNA bildirib ki, yeni təchizatlar velosipedçilərin daha təhlükəsiz və rahat hərəkət etməsinə şərait yaradacaq.
