Nizami Gəncəvinin 880 illik yubileyinə həsr olunan "Baku International Book Fair 2021" - 7-ci Bakı Beynəlxalq Kitab Sərgisinin açılış mərasimi bu gün, 6 oktyabr tarixində Bakı Ekspo Mərkəzində baş tutub.
Tədbir Azərbaycan Mədəniyyət Nazirliyinin təşkilatçılığı və BP Azərbaycan şirkətinin dəstəyi ilə keçirilir.
Sərgidə 13 ölkədən,o cümlədən Azərbaycan, Bolqarıstan, Gürcüstan, Fransa, İndoneziya, İran, Kolumbiya, Qazaxıstan, Qırğızıstan, Misir, Özbəkistan, Rusiya və Türkiyəyə məxsus 165 nəşriyyat evləri, mətbəə, kitab mağazaları və mədəniyyət mərkəzləri iştirak edir.
"Nizami Gəncəvi İli" çərçivəsində hər gün səhər saat 10:00-dan etibarən Bakı Ekspo Mərkəzinin foyesində müxtəlif tədbirlər keçiriləcək. Uşaqlar üçün bir sıra tədbirlər təşkil olunacaq.
Sərgi-yarmarka oktyabrın 10-na kimi fəaliyyat göstərəcək. Ziyarətçi qismində qatılmaq istəyənlər qeydiyyatdan keçmək və yaxud telefon vasitəsilə müraciət edə bilərlər. Əlaqə nömrəsi: +99412 404 10 00
Qarabağ müharibəsinin qaziləri və xüsusi qayğıya ehtiyacı olan şəxslər üçün sərgidə növbəsiz giriş qeydiyyatı aparılır.
