Bakı Metropolitenində şəhid ailələri və Qarabağ müharibəsi veteranlarına yardım mərkəzinin növbəti iclası keçirilib.
Bakuplus.az Bakı Metropoliteninə istinadən xəbər verir ki, iclasda İdarə heyətinin 7 üzvü iştirak edib. Hər müraciət ayrı-ayrılıqda baxılaraq müzakirə olunub. Yekunda, üzvlərin razılığı ilə 26 müraciət müsbət cavablandırılıb və 11,500 manat vəsait ayrılıb. 2024-cü ilin əvvəlindən isə Mərkəz 53 üzvünə 21,800 manat yardım edib.
Mərkəzin maliyyəsi “Bakı Metropoliteni” QSC və Metropoliten İşçiləri Həmkarlar İttifaqı (MİHİ) tərəfindən ayrılan vəsaitlə təmin edilir. İdarə heyəti üzvləri arasında Hidayət Məmmədov (QSC-nin təmsilçisi), Bəhruz Əhmədov (MİHİ sədri) və digər 5 metropoliten işçisi var. Onlar hesabat konfransında səsvermə yolu ilə seçilirlər.
Hazırda Bakı metropolitenində 353 Qarabağ müharibəsi veteranı və 30 şəhid ailəsi üzvü çalışır.
