Bakı Metropoliteni bu il daha çox gəlir əldə edib. Bu haqda BakuPlus.az APA-ya istinadən bu gün, 21 aprel tarixində xəbər verir.
Ötən il Azərbaycanda metro nəqliyyatı ilə sərnişin daşınmasından 26.154,4 min manat gəlir əldə edilib, bu da illik müqayisədə 21% çoxdur.
Dövlət Statistika Komitəsindən verilən məlumata görə, 2020-ci ildə sözügedən göstərici 21.623,1 min manat olub.
Hesabat dövründə metro nəqliyyatının xidmətlərindən istifadə edən sərnişinlərin sayında da artım olub. 2020-ci ilin göstəricisi ilə müqayisədə 20,98 faiz çox, yəni 90.232,4 min sərnişin daşınıb.
Bakı metropolitenində xətlərin uzunluğu 36,6 kilometrə, sayı 3-ə, stansiyalarının sayı isə 25-ə bərabərdir.
