Sabunçu və Xəzər rayonlarının icra başçıları sakinləri qəbul ediblər. Bu haqda BakuPlus.az RİH-lərin mətbuat xidmətinə istinadən bu gün, 15 sentyabr tarixində xəbər verir.
Sabunçu Rayon İcra Hakimiyyətinin başçısı Adil Vəliyevin 14.09.2022-ci il tarixində Kürdəxanı qəsəbəsi 113 saylı tam orta məktəbin akt zalında qəsəbə sakinləri ilə səyyar görüşü keçirilmişdir.
Görüşdə RİH başçısının müavinləri, RİH başçısı aparatının şöbə müdirləri, rayonlarda fəaliyyət göstərən xidmət sahələrinin rəhbərləri və sakinlər iştirak ediblər.
İlk olaraq qəbulda iştirak edənlər sentyabrın 13-də Ermənistan silahlı qüvvələrinin Azərbaycanın Daşkəsən, Kəlbəcər, Laçın və Zəngilan rayonları istiqamətində törətdiyi genişmiqyaslı təxribatlarının qarşısını alan zaman şəhid olmuş hərbi qulluqçuların əziz xatirəsini bir dəqiqəlik sükutla yad ediblər.
Müraciət və təkliflər dinlənildikdən sonra sakinlərə müvafiq izahatlar verilərək qaldırılan məsələlərin həlli istiqamətində rayon rəhbərləri tərəfindən müvafiq qurumların rəhbərlərinə konkret tapşırıqlar verilib.
[caption id="attachment_70087" align="alignnone" width="640"]
Foto Sabunçu RİH-in rəsmi saytı[/caption]
